Taliwala sa US-Iran ceasefire nga kasabutan, gibombahan sa Israel ang Lebanon, diin matod pa ni Prime Minister Benjamin Netanyahu niadtong Miyerkules, Abril8, nga dili lakip ang Lebanon sa kasabutan nga ceasefire. Busa, gisusi sa Bombo Radyo Cebu Newsteam kung kumusta usab ang kahimtang sa mga kaigsuonang pinoy nga anaa sa maong nasud, human sa pagpamomba.
Subay niini, eksklsusibong nahinabi sa Bombo Radyo Cebu team ang Filipino Community Coordinator sa Lebanon ug ingun man ang Bombo International News Correspondent (BINC) nga si Elisa C. Robredillo,
Gikabutyag ni Robredillo nga ang ilahang sitwasyon sa kasamtangan, wala sila makabati og tumang kabalaka, gumikan kay ang nahitabo sa miaging adlaw, naghatag lang nila og dyutay nga tensyon, ilabi na kung makasulod sa maong dapit ang gituohang mga gikabangi apan, kalmado na sa kasamtangan ang maong sitwasyon.
Dugang klaro ni Robredillo nga sukad gahapong adlawa, Abril 9, ug hangtud karon, Abril 10, walay subling pagpang-bombo ang nitumaw.
Dugang ni Robredillo, niadtong Miyerkules lang ang katapusang pagpang-bombo sa gatosan ka lain-laing dapit sa Lebanon, hinungdan nga nakaangol kini og ubay-ubay usab ka mga indibdwal.
Gani, giasoy pa niya nga walking distance lang kung diin siya nahimutang, adunay 2 ka gipangbombahan.
Apan gitino niini nga sa kasamtangan, hapsay ra ug wala nay pagpangbombo ang mitumaw sa proper Beirut, Lebanon.
Samtang, giklaro ug gihimug-atan usab ni Robredillo, nga walay nibisan kinsa ang maka ingun nga magpabilin silang luwas, o anaa na sila sa peligrong sitwasyon, ug ang ilang bugtong gihuptan karon ug obserbasyon, mao nga ang target ra ang atekehon sa mga kontra, ug ang pagtuo niya, dili sila lakip niini.
