Boluntaryong mi-surrender ang kanhi myembro sa Communist Terrorist Group sa mga utoridad niadtong adlawng Dominggo, Abril 13, 2025 sa Purok 7, Brgy. San Carlos, Danao Bohol.
Ang maong pag-surrender, subay sa gipahigayun nga joint intelligence-driven operation sa 702nd Maneuver Company, Regional Mobile Force Battalion 7; kauban usab ang 32nd Mechanized Infantry Company; 3rd Mechanized Infantry Battalion; 3rd Infantry Division of the Philippine Army; and the Community Integrated Information Support.
Ang maong indibidwal, anaa sa pangidaron nga 45-anyos, usa ka full-time CTG member nga alayon usab sa Front Committee 3 of the Central Visayas Regional Party Committee ug bag-o lang nga nalambigit sa Bohol Party Committee-D ubos sa Komiteng Rehiyon-Negros, Cebu, Bohol, and Siquijor.
Sapagkakaron, wala na kini sa listahan sa mga komunistang grupo.
Samtang, isip parti sa pag-surrender, gi-surrender usab niini ang usa ka riffle grenade ngadto sa Bohol Explosive Ordnance Disposal, aron sa pormal nga pag-dispatsa niini.
Matud pa ni PRO7 Regional Director PBGen Redrico Maranan, nga kini nga mga lakang nagtimaan sa tiunay nga pagkab-ot sa kalinaw sa Probinsya sa Bohol ug hilabi na sa entiro Central Visayas. | via BOMBO NATHAN SANDOVAL
