CEBU CITY — Padayon nga giimbestigaran sa kapulisan ang nahitabong pagpusil-patay sa kanhi Cebu Police Provincial Office Deputy Provincial Director for Administration nga si Retired PLtCol Renato Malazarte sa Sitio Mabuhay, Cabantang Street, Brgy. Luz.
Sa inisyal nga imbestigasyon sa otoridad, motorcycle riding-in-tandem ang mga suspek sa krimen.
Alas-10 pasado ganinang buntag sa dihang nadawat sa kapulisan ang maong alarma diin igo lang nga nagdeliver ug mga butane ang kanhi Police Official sa dihang gipusil sa wala pa mailhing mga mamumuno.Igo sa ulo ug ubangbahin sa lawas ang nasutang nahi-aguman sa biktima kinsa nadala pa sa tambalan apan gikataho kini nga nabawi-an na matod pa sa kinabuhi.
Gipanubayan na sa kapulisan ang anggulo may labot sa kanhi trabaho niini isip police official og ang ubang anggulo pa sa krimen.
Samtang nimando si Cebu City Mayor Edgardo Labella sa kapulisan alang sa hugot nga imbestigasyon sa maong panghitabo ilabi na ang pag-ila sa responsable niini.
