Gisugdan na ni US President Donald Trump ang iyang pagsumpo sa mga ilegal nga imigrante human sa iyang pagbawi sa opisina diin kapin sa 500 ka mga illegal immigrants ang nadakpan samtang labing menos 370 ka mga migrante ang na-deport na sa US military aircraft.
Kini nagtimaan sa unang lakang sa saad ni Trump nga dakpon ug i-deport ang mga ilegal nga kriminal gikan sa Estados Unidos.
Ang press secretary ni Donald Trump nga si Karoline Leavitt mipaambit sa usa ka post sa social media platform diin gipost niini ang mga hulagway sa mga flight sa deportasyon ug pinaagi usab ni Trump kini nga nagpakita sa “lig-on ug tin-aw” nga mensahe ngadto sa ubang bahin sa kalibutan.
Kahinumduman nga usa kini sa mga gideklarar ni Trump nga maglunsad og mga crackdown sa mga iligal nga imigrante sa US, ug pipila lang ka adlaw human sa pagkuha sa gahum gikan kang Joe Biden, ang ika-47 nga presidente sa US ug mipirma sa usa ka hugpong sa mga executive order aron matuman ang saad.
