Negros Oriental- Gipahibalo sa kadagkuan sa kapulisan sa Central Visayas nga andam na unta sila sa paghatag sa hugot nga siguridad sa ipahigayon nga special election sa ikatulong distrito sa lalawigan sa Negros Oriental nga gitakda sa Disyembre 9, 2023.
Matod ni Police Lieutenant Colonel Gerard Ace Pelare, spokesperson ni Police Brigadier General Anthony Aberin, hepe sa Police Regional Office 7 nga human mipagawas og resolusyon ang kongreso pag kanselar sa special election ila nang ipabalik ang kapin sa duha ka gatus ka mga police personnel nga gipadala sa maong lalawigan.
Ang maong mga police ibalik sila sa ilang mother unit ug mohimo sa ilang naandan nga trabaho nga mao ang crime prevention ilabi na nga nagkaduol na ang holiday season nga gituohan nga mosaka ang krimen.
Apan gipahibawo ni Pelare nga kung mahukman sa ubos balay balaoranan nga mahinayon gyud ang special election sa laing petsa andam ra ang kapulisan sa pag adjust sa ilang pagpangandam sanglit naka template na ang ilang security program.
Gipasabot sa opisyal nga naa ra ang kapulisan ug ang laing law enforcement agencies andam nga mohatag dayon sa ilang siguridad sanglit ila naman kini nga napangandaman sa taas nga panahon.
