Spotted ang BlackPink member nga si Jisoo uban ang South Korean actor nga si Seo Inguk alang sa pagkuha sa pipila ka mga scenes sa ilang upcoming drama nga ‘Boyfriend On Demand’ sa usa sa mga maanindot nga beach resort sa Brgy. Maribago, dakbayan sa Lapu-Lapu.
Unang mikatap ang mga hulagway ni Jisoo nga anaa sa Sugbo atol sa pag-abot niini sa Mactan-Cebu International Airport.
Tungod sa hugot nga seguridad, ang mga fans niining Sugboanon o mas naila nga ‘Blinks’ igo nalang sa pagwara-wara sa ilang kamot ug motimbaya bisan sa hamubo nga higayon nga makita nila ang ilang idol nga si Jisoo.
Samtang, gikanayon usab ni Mayor Junard Ahong Chan nga ang pagpili sa Lapu-Lapu kay dakong tabang sa pag-promote hilabi nga makita kini sa maong salida ug mas makaagni pa og daghang turista nga mobisita sa syudad sa mga umaabot.
