LILOAN, CEBU-Pormal nga nagbuak sa luna ang kagamhanang lungsod sa Liloan, amihanang bahin sa Sugbo sa umaabot nga konstruksyon sa ilahang Children’s Hospital nga pagkatukuron sa Barangay Cotcot sa maong lungsod.
Gipangulohan ang maong seremonyas nila Cebu 5th District ug Deputy Speaker Duke Frasco uban sa mga opisyales nga silang Liloan Mayor Aljew Frasco, Compostela Mayor Jury Quiño, DOH Regional Director Jaime Bernadas, ug mga opisyales sa maong lungsod.
Kini nga proyekto magmalampuson subay sa gipasar sa kongresista sa House Bill No. 8274 diin nagtuod kini isip pormal nga balaudnon nga Republic Act No. 11886 niadtong Hunyo 29, 2022 nga nagbutang sa pundasyon sa pagtukod sa Liloan Children’s Hospital.
Ang maong pasilidad gikatakda nga mahimong sukaranan sa pag-atiman sa larangan sa pediatrics, dili lang sa lungsod sa Liloan kon dili sa tibuok Probinsya sa Sugbo.
