CEBU CITY-Gihimakak ni Lapu-lapu City Mayor Jonard Ahong Chan nga gi-okopar sa iyang asawa ang opisina nga gi-abandonar na ni Congresswoman Paz Radaza.
Kini human usab miingon si Radaza nga ang asawa ni chan maoy migamit sa maong opisina og kini gitawag pa nga “Mayor 2“.
Gitataw ni Chan atol sa pakighinabi sa Bombo Radyo Cebu nga gigamit niini ang duha ka opisina nga gi-biyaan ni Radaza. Gani ang usa niini iyang giparenovate.
Dason pa sa mayor nga kuwang pa ang duha ka opisina para sa pag cater sa mga oponganons nga muadto sa iyang opisina hinungdan nga ilang girenovate ang maong opisina.
Apan giangkon hinoon ni Chan nga makita kanunay ang iyang asawa sa iyang opisina kini karon, tungod kay nangandam matud pa sila sa ika 500 ka tuig nga kasumaran sa ‘Victory of Mactan‘.
