Gideklarar sa Cebu Provincial Government ang class suspension sa pipila ka mga kalungsuran ug syudad sa amihanang Sugbo human gipaubos sa Tropical Cyclone Warning Signal Number 1 sa Bagyong Tisoy.
Base sa bulletin nga giluwat sa Provincial Disaster Risk Reduction and Management, suspendido ang klase sa pre-school, elementarya, ug high school ang: Bantayan Island, Daanbantayan, Medellin, San Remegio, Tabogon, Tabuelan, Borbon, Carmen, Catmon, Danao, Camotes Island, Asturias, Tuburan, Bogo, ug Sogod.
Samtang walay klase usab gikan sa pre-school hangtud sa elementarya ang Compostela, Liloan, Consolacion, Mandaue, Cordova, Talisay, Minglanilla, Naga, ug San Fernando.
Mideklarar si Talisay City Mayor Gerald Anthony Samsam Gullas nga suspendido ang tanang klase sa tanang public elementary ug secondary schools sa maong dakbayan subay na sa masinating dautang panahon.
Mipahibalo usab si Mayor Junard Ahong Chan nga walay klase sa elementarya ug high school sa dakbayan sa Lapu-Lapu samtang suspendido usab ang byahe sa mga ferry boats padung sa mga island barangay.
Base sa 11PM advisory sa PAGASA, masinati sa nahisgutang mga lugar ang hangin nga adunay gikusgon nga 30-60 kilometers per hour ug mga pagpang-uwan.
