CEBU CITY- Mipahayag si Cebu City Mayor Nestor Archival Sr. nga ang mga manindahay nga planong mamaligya sa panahon sa Sinulog kay gikinahanglan magparehistro sa Cebu City Hall aron matugutan.
Kini ang gipamahayag ni Archival atoll sa pakighinabi niini sa mga sakop sa tigabalita niadtong Lunes, Enero 5 diin ang maong kamanduan nanukad sa preparasyo sa dakbayan nga masigurong hapsay, malinawn, ug respetado sa kalihukang pang-relihiyon atol sa kapistahan.
Gilatid sa mayor nga ang vendors registration kay magsugod karong adlawa sa Martes, Enero 6 sa 9th Floor Cebu City Hall Executive Building nga pagadumalaan sa designated committee kinsa gitahasan sa pag-oversee sa proseso.
Gidugang niini nga gisuta na sa kagamhanang dakbayan sa mga dapit diin tugotan ang pagpaninda aron mapatuman gihapon ang mga lagda sa kaluwasan sa kataas sa kapistahan.
Samtang sa pikas bahin, nakahinabi ang Bombo Radyo Cebu News Team og manindahay’g kandila sa Basilica nga si Nanay Nida Ortega diin mipadayag kini sa ilang kabalaka kung sa higayong dakupon sila sa ilang pagpaninda ug sa ilang panghinaot nga tugotan sila sa ilang panginabuhi.
