Moabot sa usa ka milyon nga mga batan-ong Katoliko nga magtutuo ang gipaabot sa Sabado alang sa usa ka gabii nga pagbantay nga gipangulohan ni Pope Leo XIV, ang kulminasyon sa usa ka semana nga panawduaw, usa ka mahinungdanong kalihokan sa Jubilee Year.
Ang “Jubilee of Youth” kay nag-imbitar sa batan-ong Katoliko nga nag-edad og 18 ngadto sa 35 sa Vatican aron tapukon kini sila sa Roma karong semanahona.
Mahitabo kini sulod palang sa unang tulo ka buwan sa katungdanan sa pinakaunang Amerikanong santo papa sa edad nga 89-anyos.
Daghang grupo sa mga pilgrim ang nagpunsisok sa kadalanan sa Roma sa tibuok semana nga nagwarawara sa mga bandera sa ilang mga nasod o siyudad ug nag-kanta sa mga relihiyosong awit.
Misamot ang kahinam sa tibuok semana alang sa katapusang pagpakita sa bag-ong papa sa mga batan-on niadtong Sabado.
