Gimanduan sa Office of the Civil Defense (OCD) ang regional office sa Western Visayas nga paspasan ang pagpangandam alang sa ‘worst-case scenario’ sa higayon nga mobuto ang Kanlaon volcano dungan sa pag-uwan dala sa bag-ong bagyong Tropical Depression Nika nga nisulod sa nasod.
Giluwat ang maong mando ni OCD Administrator USec. Ariel Nepomuceno diin sa maong direktiba taliwala sa padayong degassing o pagpagawas sa aso nga inubanan sa huyang nga pagbuga sa abo gikan sa summit crater sa bulkan sukad niadtong Oktubre 19 base sa monitoring sa Philippine Institute of Volcanology and Seismology (Phivolcs).
Matod sa opisyal nga kinahanglang masiguro nga adunay lig-on nga mga plano sa pagtubag ug andam nga ipatuman sa posibleng mga katalagman.
Gitataw usab sa opisyal nga ang pagpangandam alang sa mga worst case scenario importante sa pagluwas sa mga kinabuhi.
Kalabot niini, giawhag sa kadagkoan sa OCD ang mga residente nga maminaw sa mga abiso gikan sa mga lokal nga opisyal ug sundon ang mga advisory gikan sa Phivolcs ug OCD.
Una niini, sa gipahibalo nga gipagawas sa Phivolcs diin nakatala kini og 28 ka ash emission episodes gikan sa Kanlaon nga milungtad gikan sa 4 minutos ngadto sa 1 oras ug 18 minutos.
Nakit-an ang mga bakas sa abo nga gibuga sa bulkan sa Sitio Bais, Brgy. Yubo, La Carlota City ug Brgy. Sag-ang, La Castellana sa Negros Occidental.
Samtang, hangtod karon wala pay timailhan nga adunay nagsingabot nga kusog nga pagbuto sa bulkan apan kung adunay pagbag-o sa mga parameter sa pagmonitor, ang lebel sa alerto sa bulkan ipataas gikan sa kasamtangan nga alert level 2
