CEBU CITY — Mohatag ang Cebu Provincial Government og P20-million nga hinabang alang sa mga apektadong lokalidad sa Mindanao.
Matud ni Governor Gwendolyn Garcia nga ilang i-turnover ang hinabang ngadto sa mga local chief executives aron sila na ang mag-igo kung unsaon nila kini gamiton.
Makadawat ang Makilala, North Cotabato og P7-million nga hinabang samtang makadawat og tag-P3 million pesos ang lungsod sa Tulunan, North Cotabato ug Magsaysay, Davao Del Sur.
Makadawat usab ang Kidapawan City ug Magpet, North Cotabato og tag-P2-million pesos nga financial aid.
Ug makadawat usab og P1-million nga hinabang matag apektadong LGU sama lang sa alang Matanao, Bansalan, ug Digos sa Davao del Sur.
Nagkanayon si Garcia nga angayang tabangan ang mga apektado sa sagunson nga linog sa nakalabay nga mga semana isip mga managsuon.
Samtang padayon usab ang pagdawat og mga hinabang ang Cebu Provincial Social Welfare and Development Office alang sa ilang relief campaign ngadto sa mga pamilyang apektado sa kusog nga linog.
