Nasikop ang usa ka high-value individual (HVI) nga nalista sa drug watchlist sa gipahigayon nga anti-illegal drug operation gahapon, Abril 9, 2025, sa Purok 6, Barangay Maslog, Sibulan Negros Oriental.
Pinaagi sa hiniusang pwersa sa Provincial Drug Enforcement Unit (PDEU), Provincial Intelligence Unit (PIU), ug Sibulan Municipal Police Station, sa koordinasyon sa PDEA Region 7 malampuson nga napusasan ang gialyasan nga si “Eljin”.
Nakuha gikan sa suspek ang gibana-banang 4,000 ka gramos sa gituohang shabu nga nagkantidad og P27.2 milyones, lakip ang backpack, cellphone, ug P100,000 nga buy-bust money.
Ang malampuson nga operasyon kay gipangulohan ni PCPT JEBERT B BAROY, Hepe sa PDEU, ubos sa pagdumala ni PLTCOL FLORENDO L FAJARDO, Hepe sa PIU.
Tungod sa pagkasikop kay gidayeg ni PCOL Ronan R Claravall, Provincial Director sa NOPPO, ang mga operating units ug personnel sa ilang walay paglubad nga dedikasyon ug malampusong pagpatuman sa operasyon, nga nakahatag og dakong hampak sa lokal nga illegal drug trade.
Samtang sa pikas bahin, nasakmit usab ang dili mo ubos sa 13.6 Million nga balur sa drugas human sa gipahigayung buy-bust operation sa PDEA RO 6 Special Enforcement Team kauban ang mga sakop usab sa Negros Occidental Provincial Office ug Calatrava Municipal Police Station sa nakalabayng adlawng, Lunes, Abril 7, 2025 sa Barangay Bantayanon .
Nasikop sa mga otoridad si alyas “Khent” 23-anyos, residente sa Barangay Suba, Calatrava, diin nakuha ang duha ka mga vacuum-sealed plastic packs nga maoy gidudahang adunay illegal nga drugas nga gibana-banang duha-ka kilo.
Apil sa nasakmit ang buy-bust money nga balur sa ₱2,000,100 nga giputos sa cling wrap.
Kasong kalapasan sa Sections 5 ug 11, Article 2 of Republic Act 9165, o ang Comprehensive Dangerous Drugs Act of 2002 ang atubangon sa suspek.
