Ibalik na sa nasudnong kagamhanan ang P60 bilyones nga sobra nga pundo sa Philippine Health Insurance Corporation (PhilHealth) diin gibalhin niadto sa national treasury.
Mao kini ang gipahibalo ni Presidente Ferdinand Marcos Jr. atol sa iyang pagbisita sa Dr. Jose Fabella Memorial Hospital sa Manila karong adlawa aron sa pag-inspeksyon sa Zero Balance Billing program.
Gikanayon sa Presidente, ang pagbalik sa maong kantidad kay subay sa mga savings nga makuha gikan sa ubang mga ahensya, partikular na sa Department of Public Works and Highways (DPWH).
Matud niini nga nakasabot ang chief executive sa kabalaka sa publiko sa una nga pagbalhin sa Department of Finance (DOF) sa wala magamit nga pundo sa PhilHealth ngadto sa nasudnong kagamhanan.
Gipasiugda ni Presidente Marcos nga ang lakang nahiuyon sa prayoridad sa iyang administrasyon aron mapalig-on ang sistema sa pag-atiman sa kahimsog sa nasud.
Gidugang usab niini nga ang desisyon nagsiguro nga ang PhilHealth adunay igong kahinguhaan sa pagpalapad sa coverage ug pagpalambo sa mga benepisyo alang sa mga miyembro niini.
