Nagpadayag ang Southeast Asian Regional Center for Graduate Study and Research in Agriculture (SEARCA) nga ang padayon nga paglambo sa sektor sa mananap ug manok makatabang aron mabawi ang pagkunhod sa produksyon sa agrikultura karong tuiga, taliwala sa “triple shocks” nga giatubang sa Pilipinas tungod sa pagsaka sa presyo sa lana ug enerhiya, mas taas nga gasto sa abono, ug ang umalabot nga El Niño.
Gipasiugda ni SEARCA director Mercedita Sombilla nga kinahanglan padayonon sa gobyerno ang mga interbensiyon sa mananap ug manok aron mapalig-on pa ang pagtubo sa sektor, ug dugangan usab ang suporta sa tanom pinaagi sa pagpaila sa mga resistant crops aron mapamenos ang epekto sa hulaw.
Basi sa datos sa Philippine Statistics Authority, misaka ang produksiyon sa mananap og 5% ug 7% sa manok sa unang kwarter, samtang mikunhod ang ani sa mga tanom og 4.6% ug ang pangisda og 15.3%.
