Usa sa mga nag-umol sa 1987 Constitution nagtuo nga ang pagpasaka sa impeachment complaint batok kang Bise Presidente Sara Duterte wala makalapas sa Konstitusyon tungod kay silang tanan gisang-at sa samang adlaw ug wala molapas sa “once a year” limit nga gitakda sa balaod.
Mao ni ang pagtuo ni kanhi Supreme Court Justice ug 1987 Constitution framer Adolfo Azcuna.
Giinsister ni Azcuna nga, sumala sa depinisyon sa “tuig” sa Civil Code nga katimbang sa 365 days, ang pasabut sa “more than one year” maisip nga “labaw sa usa ka adlaw sa usa ka tuig,” tungod kay ang usa ka adlaw mao ang pinakagamay nga yunit sa usa ka tuig.
Matod niya nga ang tanang initiation sa impeachment proceedings nga nahitabo sulod lang sa usa ka adlaw sa usa ka tuig ug wala makalapas sa Section 3, Subsection 5, Article XI sa Konstitusyon.
Dugang pa niini nga ang katuyoan sa “one year rule” mao ang paglimit sa oras nga nawala gikan sa opisyal nga mga katungdanan sa opisyal ug sa kamara.
Gihimug-atan usab ni Azcuna nga bisan sa ilawom sa bag-ong kahulugan sa “initiating,” ang upat nga mga complaint nga gisugdan sa parehas nga adlaw sa sesyon — Pebrero 5, 2025 — wala makalapas sa lagda nga “more than once a year” rule. | Bombo Nathaniel Sandoval
