CEBU CITY-Mapuno pag-usab ug dagok sa manan-away ang Cebu City Sports Center (CCSC) karong adlaw sa Dominggo Agosto 25 alang sa Pasigarbo sa Sugbo 2024.
Sa maong adlaw, ang Cebu City Transportation Office (CCTO) magpatuman og pipila ka mga traffic arrangements ug road closures ilabi na ang duol sa venue sa CCSC.
Takana alas 10 palang sa buntag, magsirado na sa mga designated assembly area ang CCTO diin lugar tapukanan sa mga contigents sa dili pa ilang performance.
Magsugod ang assembly point sa eskina J. Alcantara St. ug V. Rama Ave.
Ingon man magpadayon kini sa M. Velez St. dayon sa Don Gil Garcia St. ug motapos sa N. Escario St. doul sa kapitolyo.
Nagpatuman sab og mga rerouting roads ang CCTO aron makaminus sa pagkabalda sa dagan sa trapiko.
Samtang hugot usab nga i-regulate ang props area nga nahimutang sa R. Landon Street ug Pelaez Street doul sa Cebu Normal University aron ang mga authorized personnels lang ang adunay access sa lugar.
Pipila sa mga no-entry zones mao ang bahin sa Osmeña Boulevard, M. Velez Street, ug V. Rama Avenue.
Sirado ang maong mga lugar aron masiguro nga hapsay ang dagan sa kalihokan ug alang sa kaluwasan sa publiko.
Dugang pa sa CCTO nga ala 1 pa lang sa udto magsugod na sila sa road closure usa ka oras sa dili pa magsugod ang parada.
Ang street dance parade, nga gikonsiderar nga usa sa mga highlight sa festival, magsugod sa Cebu Provincial Capitol sa alas 2:00 sa hapon.
Magsubay kini sa kadalanan sa Osmeña Boulevard ug motapos sa CCSC diin mahitabo ang Grand Ritual Showdown.
Gilauman nga magsugod ang showdown tali sa alas 5 sa hapon o alas 6 sa gabii.
Ingon man nga pagga-ablihan kini sa higayon matapos na ang parada.
Nanghinaot ang CCTO sa mas taas nga pasensya sa kadalanan ilabi na kung magsubay sa mga lugar nga adunay road closures.
