Nasagmuyo ang Public Attorney’s Office sa desisyon sa Department of Justice nga i-withdraw ang kaso nga unang gipasaka batok kang kanhi Health Secretary Janette Garin ug ubang mga indibidwal nga nalambigit sa isyu sa Dengvaxia vaccine.
Gumikan niini, niduso og motion for reconsideration ang PAO ug nihangyo nga bawion sa Justice Department ang ilang desisyon.
Basi sa 68 ka pages nga motion for reconsideration, ang PAO nitataw nga adunay igong prima facie evidence nga magpamatuod kang Garin, Dr. Gerardo Bayugo, ug Dr. Ma Joyce Ducusin nga mga guilty.
Matod niya ang pagkamatay sa dul-an 170 ka mga bata human na-injection sa Dengvaxia vaccine maoy pruweba niini.
Gipasabot usab sa mosyon nga dili makalingkawas ang akusado sa ilang legal nga responsibilidad.
Gidugang pa niini nga napamatud-an niya nga ang mga akusado kay nakahimo og gross negligence, absence of foresight, care ug skill.
Gitumbok usab sa PAO nga eksperimento lang ang pag-injection sa Dengvaxia vaccine.
