CEBU PROVINCE-Gipatawag ni Gobernador Gwen Garcia ang mga mahinungdanong stakeholders sa usa ka coordination meeting isip pagpangandam sa umaabot nga Pasigarbo sa Sugbo karong Agosto 27.
Gihisgotan sa gobernador ang mga importanteng butang kalabot sa pagpangandam lakip na ang logistics, pagkaandam sa imprastraktura, akomodasyon sa mga contingent, kalig-on sa kuryente ug internet connection, seguridad, ug trapiko, ug uban pa.
Ang kalihokan, nga gitawag nga labing dako nga kongregasyon sa mga kapistahan sa Probinsiya sa Sugbo, mahitabo sa Carcar City, habagatang Sugbo.
Sa pagkonsiderar nga liboan ang gipaabot nga mosaksi sa maong kalihokan, si Gobernador Gwen mipataas sa pagpangandam alang sa Pasigarbo, nga mahitabo sulod sa napulo ka adlaw.
Mitambong atol sa tigom sila si Carcar City Mayor Patrick Barcenas, mga representante sa telco firms, mga opisyal sa kapolisan sa probinsiya, Highway Patrol Group, Coastguard, ug LGU officials, ug uban pa.
Gihimo na ang mga pagpangandam, nga andam na ang venue alang sa umaabot nga kalihokan, base sa visual situationer nga gipresentar atol sa miting.
Sa kinatibuk-ang adunay 52 ka LGUs, apil ang highly urbanized nga mga dakbayan sa Sugbo, Mandaue, ug Lapu-Lapu, ang mopresentar sa labing dako nga dula sa Pasigarbo karong Agosto 27.
