Giaprobahan ni Presidente Ferdinand Marcos Jr. ang mga balaod nga magtukod og district engineering offices sa Department of Public Works and Highways (DPWH) sa Bukidnon, Negros Occidental, Bataan, Bulacan, ug Iloilo.
Gipirmahan sa Presidente ang Republic Act No. 11998 nga nagmugna sa Bukidnon Fourth District Engineering Office nga nahimutang sa siyudad sa Valencia.
Ingon man ang RA No. 12002, nga nagmugna sa Negros Occidental Fifth District Engineering Office nga nahimutang sa dakbayan sa San Carlos.
Lakip sa napirmahan ang RA Nos. 12003 ug 12004, nga nagmugna sa Bataan Third District Engineering Office ug sa Bulacan Third District Engineering Office.
Samtang, gipirmahan usab ni Presidente Marcos ang RA No. 12005, nga nagtukod sa Iloilo Sixth District Engineering Office, nga nahimutang sa munisipyo sa Pototan.
Makadawat usab ang DPWH district engineering offices og pundo gikan sa tinuig nga budget sa nasudnong kagamhanan.
