CEBU CITY-Nasikop ang giinong peke nga doctor sa dakbayan sa Sugbo sa gipahigayon nga entrapment operation human sa palpak nga pamaagi sa Brgy. Lahug niadtong Biyernes, Hulyo 19, 2024.
Giila ang akusado nga si Dimber Dela Cruz Celis, 33-anyos.
Lumad nga taga Cagayan de Oro City sa Mindanao ug nag-inusarang inahan sa unom ka anak.
Sa susamang adlaw sa iyang pagkasikop, usa ka babaye ang nangayo og tabang sa National Bureau of Investigation in Central Visayas o kon NBI-7 batok sa usa ka tawo nga giingong nihatag og facial enhancement kaniya nga wala nagkadimao.
Giangkon sa biktima nga usa ka babaye nga taga dakbayan sa Sugbo, nga iyang nahimamat si Celis pinaagi sa usa ka Facebook post, diin gi-anunsyo ang iyang kaugalingong serbisyo.
Tungod sa iyang kakuryuso, gikontak niini ang suspek ug giingong gipatuo, nga usa ka lisensyado nga mananambal si Celis.
Apan, ang pagpa-injection sa biktima miresulta sa wala damha tungod kay peke diay nga doctor ug pipila ka semana ang milabay, ang nawong sa biktima nagsugod na sa paghubag ug ang iyang ilawom sa mata migahi ug nataptan.
Niadtong Hulyo 17, ang suspek gikatahong ni-reply sa biktima ug nipahibawo nga adto kini sa dakbayan sa Sugbo aron matul-id ang pamaagi.
Gusto kuno ni Celis nga pabayron siya og laing P1,000 alang sa ikaduhang operasyon nga ilang gikatakda niadtong Biyernes sa usa ka hotel sa Brgy. Lahug.
Ingon man sa pagronda sa mga operatiba sa NBI-7, gawas sa presensya ni Celis kay adunay laing kliyente usab ang anaa sa lawak nga nagpaabot sa iyang turno.
Narekober gikan kang Celis ang ubay-ubay nga mga botilya sa lainlaing mga tambal, ang uban adunay mga marka sa langyaw, gigamit ug wala magamit nga mga syringe, ug mga guwantis sa pag-opera.
