Giawhag sa buhatan sa Philippine Institute of Volcanology and Seismology o PHIVOCLS 7 nga tan-awon na ang mga positibong anggulo gumikan humana ang pag-igo sa linog.
Kini ang gipaambit ni Engr. Robinson Jorgio, ang Officer in Charge sa PHIVOCLS 7 diin matud niini nga panahon na nga tan-awon usab ang mga kakuwang, ingon man sa ilang habig usab nganong sa Norte niigo ang 6.9 ug dili sa centro ug uban pa nga aspeto.
Dugang usab niini nga daghang pagtulun-an ang makuha sa bag-ohay nga katalagman, sama nalang sa mga natumpag nga edipisyo ug kabalayan nga maghatag kanato og kaamguhan nga sa sunod nga pagtukod nga sigurohon na nga lig-on ug dili kini dali nga maguba ug matay-og sa bisan unsa pa nga katalagman nga moigo sa nasud.
Sa pikas bahin, nipasalig usab si Engr. Jorgio nga ‘normal’ lang ang mga nasinati nga pagtay-og sa yuta gumikan aktibo ang atoang archipelago sa mga tectonic movements o sa mga linog.
Gidugang usab niini nga nahimo ang Philippine Archipelago tungod sa mga earthquakes sa Pilipinas.
Busa, giawhag nalang niini ang mga angayang buhaton kon gani moigo ang linog ug ang angayang buhaton ig human sa linog.
Apan sa pagkakaron, gihimug-atan niini nga ang kamahinungdanon usab sa pagpangandam sa dili pa moigo ang bisan unsang katalagman sama nalang sa pagpalig-on sa kabalayan ug edipisyo.
