Napuno sa kamaya si Miss Universe 2015 Pia Wurtzbach Jauncey sa pag-anunsyo kabahin sa auction sa replica gown niini atol sa Love Gala event nga nagkantidad og P1 milyon pesos.
Sumala pa ni Pia, nga iya kining gihimo alang sa pagtabang sa charity nga gisuportaan ang ‘Love Yourself’, usa ka grupo sa mga adbokasiya nga nagpakatap sa kasayuran kabahin sa Human immunodeficiency virus (HIV).
Ingon man paghimo og mga lakang sa pagtabang sa HIV patients lakip na ang pagsuporta niini pinaagi sa counselling ug pinaagi usab sa life coaches nga anaa sa nahisgutang organisasyon.
Ang iconic blue gown mao ang gisuot sa maong beauty queen sa malampusong paglangkat niini sa korona sa maong international pageant.
Pinaagi sa usa ka instagram post, gipakita niini ang hulagway sa maong replica gown ug ang mga pamaagi aron mapalit kini sa maong live auction.
