Gihimakak ni kanhi Presidential spokesperson Atty. Harry Roque kabahin sa nikatap nga “fake news” diin nag-ingon nga si kanhi Presidente Rodrigo Duterte nakagawas na sa ICC detention facility sa The Hague, Netherlands.
Matod ni Roque, wala pa’y desisyon kalabot sa hangyo alang sa interim release sa kanhi presidente.
Nihatag og gibug-aton si Atty. Joel Butuyan, usa ka ICC-accredited nga abogado nga dili tinuod ang impormasyon nga nikatap bahin sa giingong pag-aprubar sa interim release ni Duterte.
Dugang pa niini nga gituyo sa kampo ni Duterte nga libugon ang publiko pinaagi sa sayop nga impormasyon.
Una niini, gihangyo sa Duterte Bloc ang Senado alang sa interim release alang kang Duterte, nunot sa giingong “welfare check” sa kanhi president.
Ingon man nga nanawagan si Senador Ronald “Bato” dela Rosa sa Senado nga ilakip sa agenda ang Proposed Senate Resolution No.18 diin nagtumong sa maong resolusyon nga barugan sa Senado ug suportahan ang panawagan nga ipailalom sa house arrest si Duterte.
