CEBU CITY-Planong tukoron sa kagamhanang dakbayan sa Sugbo ang usa ka Sewerage Treatment Plant (STP) sa Pasil Fish Port aron sa pagsulbad niini sa problema sa hugaw nga tubig sa dapit nga muagas padulong sa dagat hinungdan sa kadaot sa kinaiyahan sa maong lugar.
Kini ang gisugyot ni Cebu City Acting Mayor Raymond Alvin Garcia nga ang law-ay nga kahimtang sa wastewater sa maong dapit kay maka-alarma na tungod nakaapekto na kini sensitibong marine biodiversity sa coastal area sa dakbayan.
Matud pa sa Acting Mayor nga importanteng masugdan na ang maong proyekto ug maglangkob kini dili lamang sa Fish Port, sa Bagsakan, ug sa merkado apan hasta sa dakong bahin sa nagpalibot niini nga komunidad.
Kini human nasayran sa Acting Mayor atol sa pagbisita niini sa maong lugar ang kahimtang sa patigayon produktong pandagat nga hasta diay ang mga lumulupyo sa maong dapit kay magdiskarga pud sa ilang wastewater diretso sa dagat.
Dugang pa nga ang planong pagpatukod sa STP maglangkob sa dili mimunos sa unom ka buwan ilabi na sa pag-ekipo niini sa mga modernong teknolohiya.
