Nakagawas na sa prisohan ang impeached South Korean President Yoon Suk-yeol human sa desisyon sa korte mitugot nga buhian siya niadtong Biyernes, Marso 7.
Ang mga abogado ni Yoon kaniadto mihangyo sa korte nga kanselahon ang iyang pag-aresto sa miaging bulan, nga nangatarungan nga ang iyang pagkabilanggo usa ka ilegal tungod kay ang prosekusyon naghulat og taas nga panahon sa pag-akusar kaniya.
Sa usa ka kalambigit nga kalamboan, ang Seoul Central District Court mitugot sa hangyo ni Yoon nga makagawas sa prisohan tungod kay ang iyang panahon sa detensyon natapos sa wala pa siya giakusahan sa prosekusyon kaniadtong buwan sa Enero.
Gitinguha usab niini nga masiguro ang usa ka transparent nga pamaagi ug tangtangon ang bisan unsang pagduhaduha bahin sa legalidad sa proseso sa imbestigasyon.
Ang desisyon sa korte nagtugot usab kang Yoon nga atubangon ang iyang criminal trial bisan wala siya sa kustodiya.
Gilauman nga mopagawas og desisyon ang korte sa dili madugay kung ipadayon ba ang impeachment ni Yoon o tangtangon siya sa katungdanan.
Kahinumduman nga natapos ang mga hearing sa impeachment trial ni Yoon niadtong ulahing bahin sa Pebrero ning tuiga.
Napriso sab si Yoon og kapin sa usa ka buwan human siya gidakop ug gipasakaan og kaso kalabot sa iyang napakyas ug kadiyot nga deklarasyon sa martial law niadtong Disyembre 2024.
