-- ADVERTISEMENT --
Andam ang United Kingdom ug France nga mohatag sa ilang mga sundalo sa Ukraine kung masugdan ang usa ka kasabutan sa kalinaw uban sa Russia.
Kini ang gipahayag ni British Prime Minister Keir Starmer ug French President Emmanuel Macron atol sa usa ka miting uban ni Ukrainian President Volodymyr Zelensky.
Nipirma sila og kasabutan sa pagtukod og mga sentro sa militar sa Ukraine kung makab-ot ang usa ka ceasefire.
Kini nga lakang kabahin sa pagsiguro nga ang Russia mosunod sa ceasefire ug dili na mosulong pag-usab sa Ukraine.
Mahinumduman nga ang US nagpasiugda sa kasabutan sa kalinaw aron sa katapusan matapos ang kapin sa tulo ka tuig nga panagbangi.
-- ADVERTISEMENT --
