Gikatakdang ipahiluna sa Kagamhanag Dakbayan sa Mandaue ang mga pamilyang “totally washed out” ang ilang mga panimalay atol sa kabagsik sa nakalabayng Bagyong Tino ngadto sa Bayanihan Village sa dili pa muabot ang adlaw sa Pasko.
Kini ang gipasalig sa Mandaue City Government atol sa coordination meeting niadtong Lunes, Disyembre 15 nga gipangulohan ni City Mayor Thadeo “Jonkie” Ouano ug sa mga representates sa buhatan sa kagamhanang dakbayan sama sa Housing and Urban Development Office (HUDO), City Engineer’s Office (CEO), Department of General Services (DGS), ug City Social Welfare Services Office (CSWSO) aron sa hapsay nga pagpatuman sa pagbalhin sa mga pamilyang kasamtangang walay tarong kapuy-an.
Gipaniguro sa dakbayan nga kumpleto sa mga gikinahanglan pasilidad ang maogn mga temporary shelter sama sa linya sa kuryente, suplay sa tubig, portable toilets ug uban pa aron hapsay ang pagpuyo sa mga biktima sa nakalabayng bagyo.
Plano usab sa dakbayan nga butangan og green and ornamental plants ang palibot sa Bayanihan Village aron hamugaway ang maong pinuy-anan.
