Gipahibalo sa Pentagon nga sugdan dayon ang proseso sa pagtangtang sa gibana-bana nga 1,000 ka transgender nga tropa gikan sa US military, basi sa mando ni US President Donald Trump nga nagdili sa mga transgender nga magserbisyo sa militar.
Sumala sa usa ka memo gikan kang Defense Secretary Pete Hegseth, nga ang mga transgender personnel nga boluntaryong nagpahayag sa ilang katuyoan nga mobiya sa wala pa ang Marso 26 kay iproseso dayon alang sa separation.
Samtang ang mga dili moboluntaryo kay pugos nga tangtangon sa serbisyo sa Hunyo 6 alang sa aktibo nga katungdanan ug Hunyo 7 alang sa mga reserba.
Adunay kinatibuk-ang 4,240 ka mga miyembro sa militar ang nadayagnos nga adunay gender dysphoria sa miaging tuig, sumala sa Department of Defense, diin sa maong ihap, gibanabana nga 1,000 ang mahimong ipailalom sa bag-ong polisiya.
Nag-isyu si Trump og executive order kaniadtong Enero 27, diin giingon niya nga ang “false gender identity” dili uyon sa taas nga mga sumbanan sa serbisyo militar. Gisundan kini sa usa ka memo sa Pentagon kaniadtong Pebrero, nga giingon nga ang mga transgender nga tropa matangtang gawas kung adunay usa ka special waiver.
Angay nga hinumdoman nga ang palisiya bahin sa usa ka serye sa mga pagbag-o sa palisiya bahin sa mga myembro sa serbisyo sa transgender kay nahimong labi ka maluwag sa ilawom sa mga administrasyong Demokratiko, ug labi ka estrikto sa ilawom ni Trump.
