Mihulga si US President-elect Donald Trump nga bawion ang kontrol sa Panama Canal.
Giakusahan ni Trump ang Panama nga nagpahamtang og sobra nga bayad alang sa paggamit sa tunel nga nagtugot sa mga barko nga makatabok tali sa Dagat Pasipiko ug Atlantiko.
Gipasidan-an usab ni Trump nga dili niya pasagdan nga mahulog sa sayop nga mga kamot ang Panama canal ug daw mihulga usab si Trump batok sa posibleng impluwensya sa China sa maong tudling diin iyang giingon nga dili kini angayang pagdumala sa China.
Una niini, usa ka dako nga bahin sa kanal ang gitukod sa Amerika ug ang teritoryo sa palibot sa tunel kontrolado sa daghang mga dekada apan, sa 1977, ang America ug Panama mipirma ug usa ka kasabutan nga nagtugot sa pagbalik sa hingpit nga kontrol sa Panama.
Gikontrol sa US ang kanal sa Panama niadtong 1999.
Ingon man nga importante ang maong agianan sa tubig alang sa US imports sa mga awto ug komersyal nga mga butang pinaagi sa container ships gikan sa Asia, ug para sa US exports sa mga palaliton lakip na ang liquefied natural gas.
Moabot sa 14,000 ka mga barko ang moagi niini kada tuig nga katumbas sa 2.5% sa tibuok kalibutan nga patigayon sa dagat.
