Gipahibalo sa National Grid Corporation of the Philippines (NGCP) nga gibutang sa Yellow Alert Status ang Visayas grid gikan alas-1 sa hapon hangtod alas-12 sa tungang gabii karong Miyerkules, human ang kapin 27 ka mga power plants nga naapektohan sa kusog nga linog nga miigo sa Cebu kagabii.
Sumala pa sa NGCP, anaa sa 1,444.1 megawatts (MW) ang nawala tungod sa pag-trip sa mga planta sa kuryente atol sa linog.
Kung diin, anaa sa 1,888 MW ra ang available capacity sa Visayas, samtang ang gilauman nga peak demand mosaka og 1,839 MW.
Gipasabot usab sa NGCP nga bisan pa sa wala pa ang linog, 16 na ka mga power plants ang wala nay operasyon, samtang usa pa ka planta ang nag-operate sa derated capacity.
Tungod niini, anaa lamang sa 1,654.7 MW na lang ang kapasidad nga nahatag sa grid.
Matud sa NGCP, kung kulang ang kuryente, apektado ang ospital,komunikasyon, rescue operations, suplay sa tubig ug medicine, ingon man nga possible usab nga mosaka ang presyo sa kuryente.
