CENTRAL VISAYAS-Nagpahigayun og nakatutok na ang Visayas Command (Viscom) ug mga operasyong militar dungan sa localized peace engagements aron mapugngan ang mga pagsulay sa mga rebelde nga maimpluwensyahan ang resulta sa Barangay ug Sangguniang Kabataan Elections (BSKE).
Kini ang gitino ni Lt. Gen. Benedict Arevalo, ang Commander sa Viscom, nga ilahang ipadayon ang paktutok nga mga operasyong militar, kini maoy kabahin sa ilahang pagpangandam sa seguridad alang sa umaabot nga Barangay ug SK elections.
Matod ni Arevalo nga ang mga sundalo sa Kabisay-an nakigtambayayong sa mga local government units sa mga inisyatiba sa kalinaw aron maseguro nga malinawon ang mga botohan sa barangay sa Oktubre, karong tuiga.
Sa pikas bahin, gitino ni Lt. Col. Israel Galorio, ang tigpamaba sa Viscom, nga sukad sa pagsulod karung tuiga, ang CPP-NPA sa Kabisay-an nakaagom og dakong kapakyasan human sa nagkadaiyang engkwentro sama sa Barangay Montilla, Moises Padilla sa Negros Occidental ug labing minos unom ka mga rebeldeng New People s Army (NPA) ang napatay sa sunodsunod nga engkwentro sa Bohol niadtong Septiyembre 7.
Hinungdan nga ilahang gipahugtan ang seguridad sa Negros Occidental ug sa Province of Bohol arun masiguro ang kalinaw ug madiskaril ang demokratikong proseso.
