Nasikop sa mga sakop sa Criminal Investigation and Detection Group – Regional Forensic Unit Central Visayas (CIDG-RFU 7) ang anaa sa 13 ka mga indibidwal human nasuta nga nagpadagan og illegal nga fuel operation sa Ouano Wharf, Barangay Looc sa dakbayan sa Mandaue niadtong kadlawn sa Martes, Pebrero 17, 2026.
Ang operasyon kay nagtumbok sa mga indibidwal nga nakalapas sa Batas Pambansa Bilang 33 kun Illegal trading in petroleum products. Nagpanikad kini nga operasyon base sa confidential information nga gitunol sa mga awtoridad sa giingong illegal nga pagsalin (transfer) sa krudo nga gikan tanker vessel nga M/TKR. Snoopy sa mga trucks ng awlaay mga igong permiso.
Giila ang mga dinakpan nga sila:
Jayar Villena Villeza, 45-anyos, taga Matabungkay, Batangas;
Joel Labora Edar, 56-anyos, taga Imus, Cavite;
Norman Nipes Garate, 64-anyos, taga Clarin, Bohol;
Jelson Valin Rocero, 31-anyos, taga Sultan Kudarat;
Juan Malasa Cruzat, 40-anyos, taga Lanao del Norte;
Loreto Relampago Remotigue, 58-anyos, taga Barili, Cebu;
Nestle Ian Calagday Castro, 43-anyos, taga Sultan Kudarat;
ug ang Kapitan sa barko nga si Kaithe Corillo Sudario, 42-anyos, nga taga Iloilo City.
Mga drayber ug pahinante sa mga truck nga sila:
Jilton Andolana Nuñez, 18-anyos, taga Barangay Opao, Mandaue City;
Kervin Arranguez, 21-anyos, taga Opao, Mandaue;
Melvin Codiz Galvez, 29-anyos, makaniko, Anthony Mendoza Buaron, 30-anyos, ug si John Rey Colon Panis, 39-anyos, nga pulso taga Looc, Mandaue City.
Nakuha sab sa mga awtoridad ang 34 ka mga drums (diin 14 ang adunay sulod nga diesel), usa ka cabover truck, laing six-wheeler truck, 30-meter hose, ang mismong ang tanker ship.
Gibana-bana nga mukabat sa P20.51-milyones ang balor sa tanang kahimanan ang nakuha batok sa mga dinakpan.
Kasamtangang anaa sa kustodiya sa CIDG ang mga suspek alang sa pagproseso sa ilang mga atubangong kaso. Pasalig sa mga awtoriada nga pahugtan pa nila ang ilang operasyon batok illegal fuel trading sa rehiyon.
