CEBU CITY-Sikop sa mga kustodiya sa kapulisan ang duha (2) ka mga durugista kinsa ang usa niini ang giila pang usa ka High Value Individual (HVI) atol sa buy-bust operation sa Villagonzalo, Barangay Tejero ning dakbayan sa Sugbo niadtong Sabado, Pebrero 1, 2025.
Gilusad sa City Intelligence Unit sa Cebu City Police Office (CCPO) ang maong operasyon diin nadakoan ang tulo ka durugista nga giilang sila Clark Dinoy alyas “Kla-kla”, 26-anyos ug ang uyab niini nga sakop sa LGBTQIA+ Community nga si Jerome Ciano alyas “Cherry”, 24-anyos nga pulos lumulupyo sa kasikbit nga purok sa Sitio Vigon sa samang barangay.
Nakuha kanila ang pakete sa gidudahang shabu nga nagtimbag og 100-ka gramos nga mubalor sa dili muminos P680,000.
Samtang sa pikas bahin, usa ka kanhi Barangay Captain sa Lanao del Norte ang nasikop usab sa laing operasyon nga gilusad sa Mambaling Police Station pag gabii sa samang adlaw sa Sitio Puntod, Barangay Mambaling ning dakbayan sa Sugbo.
Ang dinakpan kay giilang si Leo Fred Ramoncito Bagol, 37-anyos ug usa ka call center agent nga kasamtangang nagpuyo sa Sitio Mahilum sa Barangay Basak San Nicolas.
Nakuha sa kanhi kapitang ang pakete sa gituohang shabu nga mubalor og P1,000 ug laing mga drug paraphernalia niini.
Nakabalhog karon ang mga dinakpan sa Cebu City Custodial Facilities sa paghipos sa mga tukamng kasong ipasaka niini sa paghupot sa mga ginadiling drugas.
