45-anyos nga pintor, nakuryentihan samtang nagtrabaho sa usa sa hotel sa dakbayan sa Lapu-Lapu

LAPU LAPU CITY, CEBU-Malampuson nga naluwas ang 45-anyos nga lalaki nga usa ka welder ug pintor human nakuryentihan samtang nagtrabaho kini sa hotel nga nahimutang sa Barangay Pusok, dakbayan sa Lapu-Lapu City.

Human sa gipahigayon nga rescue operation sa mga personahe sa Special Rescue Force sa Lapu-Lapu City Fire District ubos sa pagpangulo ni Supt Tito P. Purgatorio, District Fire Marshal uban sa mga sakop sa LCDRMO sa Brgy. Pusok, dakbayan sa Lapu-Lapu.

Giila ang biktima nga si Edward Manolong kinsang nagpintal sa ibabawng bahin sa facade sa establisyemento sa dihang nahitabo aksidente.

Nakaangkon og paso si Manolong sa iyang agtang apan, maygani aduna pa kini panimuot sa dihang nakuha kini sa maong building.