Nag-atubang karon og kaso ang 7 ka mga Court of Appeals Associate Justices human pormal nga nipasaka og kaso ang Office of the Ombudsman sa Judicial Integrity Board sa Korte Suprema.
Ang maong mga mahistrado giakusahan sa gross ignorance of the law ug conduct prejudicial to the best interest of the service.
Lakip sa gipasakaan og kaso mao sila si Associate Justices Louis P. Acosta, Marlene B. Gonzales-Sison, Rex Bernardo L. Pascual, Mary Charlene V. Hernandez-Azura, Roberto P. Quiroz, Rafael Antonio M. Santos, ug Ferdinand C. Baylon.
Kini nga kaso may labot sa ilang desisyon sa pagluwat og temporary restraining order niadtong Nobiyembre 2024.
Kini nga desisyon nakapugong sa pagpatuman sa preventive suspension batok sa 8 ka Sangguniang Panlalawigan members (Provincial Board Members) sa probinsya sa Antique sa Western Visayas.
