Mamahimo nga mo-report ngadto sa Land Transportation Franchising and Regulatory Board (LTFRB) 7 ang mga pasahero batok sa mga taxi driver nga mamili ug pasahero nga pasakyon.
Kini ang gibutyag sa LTFRB Regional Director Eduardo Montealto gumikan sa kadaghang pasahero mamili ang mga driver ug ihatod sa mga paingnan niini nga dili maigo sa traffic.
Gawas nalang kun layo ang rota o paingnan sa pasahero nga gawas na sa dakbayan mamahimo nga mubalibad ang maong driver gumikan mamahimo naman usab kining kompetensya sa mga namasahero nga ang rota paingon sa maong lugar.
Pahimangno ni Montealto sa mga driver nga dili gayud mubalibad aron dili kini makamulta. Kung diin ang multa mag depende sa rason.
Samtang makonsiderar usab nga colorum ang usa ka taxi kun dili kini mo-meter ug muingon nga pakyawon lang.
