Usa sa mga gihimong petisyon ni Senate Majority Leader Juan Miguel Zubiri ngadto ni Señor Sto. Niño mao ang pagduso sa Department of Disaster Resilience.
Atol sa pagtambong ni Zubiri sa Sinulog sa Sugbo, nanghinaut kini nga maluwas ang nasud gikan sa kalamidad pinaagi sa gahum ni Sto. Niño.
Tungod niini, gikatakdang mohatag og privilege speech ang senador sa adlaw nga Lunes, Enero 20, aron hangyoon ang gobyerno nga ipasar ang gi-umol nga ahensya sa gobyerno nga nagtukod alang sa pagresponde sa mga katalagman ug resilience.
Matud ni Zubiri nga hisgutan sa iyang speech sa Senado ang kakuwang sa mga ahensya sa gobyerno ilabi na ang pagresponde kung maigo ang nasud sa mga trahedya sama lang sa linog, bagyo, ug uban pa.
Gihimug-atan usab niini nga angayang hatagan og dugang nga pondo aron makahimo og mga proyekto kalabot na sa disaster preparedness ug rehabilitasyon.
