Giimbestigaran pa sa Bureau of Fire Protection (BFP) ang hinungdan sa dakong sunog nga miigo kagahapon sa dalan A. Lopez, Brgy. Calamba, dakbayan sa Sugbo.
Nadawat sa kabumberuhan ang maong alarma sa takna nga 5:31 sa hapon ug giisa kini ngadto sa first alarm.
Apan napalong dayon sa mga kabumberuhan sa wala pa nisangko ang alas-6 sa gabii.
Niulbo ang dakong ka’yo gikan sa panimalay ni Rolly Duran diin naamong sa pagkaugdaw ang duha ka panimalay.
Samtang laing duha ka mga panimalay usab ang partially burned.
Matud sa imbestigador nga si Senior Fire Officer 3 Hermes Molina nga posibleng giduwaan sa pag-umangkon sa tag-iya ang lighter ug giduslit ngadto sa foam sa sala maong niulbo kini.
Gibana-banang anaa sa 50,000 pesos ang natalang danyos sa maong sunog.
