CEBU CITY-Gipang-apod-apod ang financial assistance sa 150 ka mga vendors sa Brgy. Labangon, dakbayan sa Sugbo diin gipangulohan sa Regional Director sa ahensya nga si Shalaine Marie S. Lucero.
Ubos sa programang Crisis Intervention Section sa DSWD-7 diin nagpahigayon og validate ug assessment sa mga beneficiaries isip start-up capital alang sa ilang panginabuhian.
Gihimug-atan ni Lucero ngadto sa mga partisipante nga ang tabang gituyo aron matabangan sila sa pagpauswag sa ilahang panginabuhian ug paghimo niini nga malungtaron.
Nakig-alayon si Senador Alan Peter Cayetano ug Pia Cayetano ngadto sa DSWD-7 alang sa gipahigayon nga kalihokan diin adunay gipanghatag nga kinatibuk-ang P525,000 nga kantidad sa hinabang pinansyal.
Sa laing bahin, nagpasalamat si Edu Rama, Cebu City South District Congressman, House of Representatives ngadto sa buhatan ni Senador Alan ug Pia Cayetano sa pagbutang og pundo alang sa pagpatukod sa edipisyo diin gipahigayon ang pag-apod-apod sa hinabang pinansyal sa naasoy nga barangay.
