35K ka tawo ang nibisita sa mga sementeryo atul sa kalag-kalag

Mandaue City-Dul-an sa 35,000 ka mga tawo ang mibisita sa ilang mga minahal sa kinabuhi sa Dakbayan sa Mandaue ang sa lainlaing mga sementeryo atol sa Kalag-Kalag 2023.

Kini ang gitino ni Police Lieutenant Colonel Franco Rudolf Oriol, Deputy City Director for Administration ug Spokesperson sa Mandaue City Police Office niadtong Huwebes, Nobiyembre 2, nga kadaghanan sa mga tawo nidagsa sa mga sementeryo alas 6 sa gabii.

Nagtuo si Oriol nga kadaghanan sa mga tawo mibisita panahon sa kagabhion aron malikayan ang naglagiting nga kainit sa adlaw.

Dugang pa, nga nagpabiling malinawon ug hapsay ang kahimtang sa Kalag-Kalag sa walo ka mga sementeryo.