RONDA, CEBU-Patay ang usa ka anak human sa init nga panaglalis niini sa iyang kaugalingong amahan sa Barangay Sta. Cruz, lungsod sa Ronda sa habagatang-kasadpang bahin sa probinsya sa Sugbo niadtong adlaw sa Biyernes Nobyembre 1, 2024.
Giila ang biktima nga si Michael Ugbaniel, 29-anyos ug ang suspek nga mao ang amahan nga si Moises Ugnabiel, 52-anyos diin tungod sa panaglalis sa kwarta sa pamilya ang hinungdan sa nahitabong krimen.
Asoy pa sa inahan sa pamilya nga si Rosalia Ugbaniel nga naglalis pa kini sa iyang bana kabahin sa kwarta tungod ipangbayad sa utang niadtong adlaw sa krimen.
Diri na naabot sa punto nga naapil sa sa panaglalis ang mga anak lakip na ang biktima para sa paghatag og bahin niini sa nahisgutang problemang-pinansyal.
Naabot pa kini sa higayon nga naggawas ang mga bating pinulongan tungod ang amahan gisaway ang igsoon ni Rosalia kinsa sa makadaghang higayon nagmanghinatagon sa pamilya.
Didto na gihulbot sa biktima ang sundang aron sa paghadlok niini sa amahan kinsa adunay higayon nga mahimong bayolente (violent) kung masuko.
Didto na nahinayak ang amahan sa paghulbot sa kutsilyo sa pikas lawak diin gibato pa kini sa anak aron ma dis-arma apan didto na nahitabo ang pagpanunggab og daling misibat sa panimalay ang amahan.
Sa pag-ikyas sa amahan gigukod kini ni Rosalia diin gihulga sab siya sa pagpanunggab apan na dis-arma na kini human naabot sa panimalay sa kadugo.
Gisuwayan pa og hatod sa tambalanan sa silingang lungsod sa Barili ang biktima apan gideklarar na kining dead-on-arrival.//
Kasamtangang balhog karon sa kustodiya sa kapulisan sa lungsod sa Ronda ang suspek nga amahan ug gisaarang pasakahan og kaso sa iyang asawa sa kamatayon sa ilang anak.
