Nanumpa na ang Presidente sa Venezuela nga si Nicolas Maduro alang sa iyang ikatulo nga termino.
Diin ang iyang pagpanumpa gihimo sa usa ka gamay nga lawak sa National Assembly, nga lahi sa iyang kanhing mga termino, nga gihimo sa main hall sa building.
Ang nasangpit nga panumpa gihimo bisan pa sa nagpadayong mga lihok protesta sa oposisyon nga nagkuwestiyon sa resulta sa eleksiyon.
Nasayran nga ang lider sa National Assembly nga si Jorge Rodriguez ang nanguna sa pagpanumpa ni Maduro.
Mitambong usab sila si Nicaraguan President Daniel Ortega ug Miguel Diaz-Canel sa Cuba.
Sa iyang pakigpulong, namahayag siya nga ang gahom nga gihatag kaniya dili gikan sa laing nasod.
Niadtong Hulyo 28, si Maduro gideklarar nga mananaog sa eleksyon, apan ang iyang kaatbang nga si Edmundo Gonzalez, wala mouyon, mao nga nagpahigayon sila og protesta.
