-- ADVERTISEMENT --
Gibutyag ni Bise Presidente Sara Duterte nga mosunod kini sa The Hague, Netherlands diin gidala sa International Criminal Court ang iyang amahan nga si kanhi Presidente Rodrigo Duterte.
Matod niya nga Adunay kasabutan nga kinahanglang makig-estorya siya sa mga abogado bisan asa siya dad-on.
Dugang sa bise nga importante nga makahinabi niini ang mga abogado sa The Netherlands kon unsay sunod nga buhaton.
Iya usab nga gitambagan ang amahan nga dili modawat sa bisan unsang pagkaon o tubig nga gitanyag kaniya ni bisan kinsa.
Kahinumduman nga alas 11:03 sa gabii niadtong Martes mibiya ang eroplano nga iyang gisakyan diin kauban niya si kanhi executive secretary Salvador Medialdea, usa ka personal assistant, ug usa ka nurse.
-- ADVERTISEMENT --
