Patay ang labing menos 38 ka kinabuhi sa Gaza City human nga maigo sa Israeli airstrikes ang eskwelahan diin temporaryong nagpuyo ang mga gibakwi tungod nawad-an og mga panimalay gumikan sa nagpadayon nga kagubat sa nasud.
Matud sa mga medics nga duha ka mga strikes ang gipuntirya sa Karama School sa Tuffah, usa ka suburb sa Gaza City, nga nakapatay sa 15 ka tawo.
Samtang sa dili madugay kay miatake na usab ang Israel sa duol sa usa ka restawran ug merkado sa siyudad nga miresulta sa pagkamatay sa labing menos 23 ka mga tawo, lakip ang mga babaye ug mga bata.
Ingon man nga wala pay komento ang Israel niini.
Sa gipaambit nga video diin makita ang mga nakaangkon og samad nga mga kalalaken-an kinsang mga daling gidala sa likod sa mga pickup ug mga karo.
Makita usab ang mga kababayen-an nga naghilak nga nagdala sa ilang mga anak palayo sa mitugpa nga mga pag-atake.
