Landig sa tambalanan ang tulo ka mga indibidwal, kini human sa nahitabong disgrasya sa Brgy. Población, Lungsod sa Argao, pasado alas 5:00 sa buntag, Hunyo 20 tuig 2025.
Sa nahimong pakighinabi sa Bombo Radyo Cebu Team sa ga sakop sa kapulisan ug pesonahe sa Argao Municipal Disaster Risk Reduction and Management Office, ilahang gikabutyag nga basi sa imbistigasyon, padung mo gawas sa usa ka skina paatubang sa highway ang nag maneho og motorsiklo nga si Mark Miranda, diin aduna kini duha ka mga angkas.
Samtang, ang pick up nga sakyanan kay gagikan sa habagatan nga bahin sa Sugbo, paatubang sa amihanan, apan tungod sa kakusog sa dagan sa motorsiklo nga gikan sa usa ka skina paatubang labang sa crossing intersection, nabangga na hinoon kini sa usa ka pick-up truck, kay wala naman ka control sa dagan.
Busa, ang duha nga sakay niini, lakip na ang drayber, naka-angkon og mga pangos ug samad, hinungdan nga gidali kinig dala sa Argao District Hospital aron maatiman.
Subay sa panghitabo, gikataho nga ang maong drayber sa motorsiklo, aduna kini impuwesnya sa ilimnong makahubog, ug nasayran usab nga walay gisuot nga helmet lakip na ang mga angkas niini.
Ang maong drayver sa motorsiklo na-hold sa makadiyut sa Argao Police station, apan sa kadugayan, na-settle ra ang maong butang. | Bombo Irene Ardiente
