Nilusad ang Russia og 614 ka air attack munitions batok sa Ukraine gikan sa gabii sa Miyerkules hangtod Huwebes, Agosto 21, sumala sa usa ka taho sa Kyiv Air Force.
Gipagawas sa Russia ang 574 ka mga drone ug 40 ka mga missile, hinungdan sa kadaot sa 11 ka mga lugar sa nasud, lakip ang Mukachevo sa kasadpang Ukraine.
Matud ni Ukrainian Foreign Minister Andrii Sybiha, nga lakip sa mga naigo mao ang usa ka dako nga American electronics manufacturer sa Mukachevo, hinungdan sa grabe nga kadaot ug pagkaangol sa labing menos 19 ka mga tawo.
Dugang pa ni Sybiha nga ang site gipuy-an lamang sa mga sibilyan, ug walay kalabotan sa militar sa Ukraine.
Samtang, ang Presidente sa Ukraine nga si Volodymyr Zelenskyy nanawagan alang sa mas hugot nga mga silot batok sa Russia.
Sa rehiyon sa Lviv, usa ka tawo ang namatay ug tulo pa ang nasamdan sa mga pagpamomba. Ang Ukrainian Air Force nagtaho nga ang pag-atake sa Miyerkules mao ang pinakagrabe sukad Hulyo 12.
Ang mga awtoridad sa Voronezh ug Rostov mitubag nga daghang mga pasilidad sa Russia ang nadaot usab sa pag-atake sa Ukrainian.
