Gihandom ni Bise Presidente Sara Duterte ang kinabuhi ug espiritu sa Nasudnong Bayani nga si Dr. Jose Rizal sa iyang pamahayag karong adlawa nga nagsaulog sa kabayanihan sa magbabalak ug magsusulat.
Sumala ni Duterte, pinaagi sa mga sinulat ni Rizal, ang katawhang Pilipino nakapanunod sa walay kahadlok nga gugma alang sa ilang nasud ug sa damgo sa tinuod nga kagawasan nga gibasi sa kahayag sa kahibalo.
Gipasiugda sa Bise Presidente nga klaro ang leksyon ni Rizal, diin dili lamang kagawasan gikan sa langyaw nga pwersa, apan lakip usab ang kagawasan sa hunahuna ug emosyon gikan sa pag-abuso, pagkabahinbahin, ug daotan.
Sa iyang mensahe, giawhag ni Duterte ang mga Pilipino nga mohibalik ang ilang kusog ug kaisog sa pagbarog alang sa kamatuoran ug hustisya. Dugang niya nga ang espiritu sa kaalam ug panaghiusa nga gipakigbisogan sa bayani dili angay tugotan nga mamatay.
