Gibutyag ni Doctor Rene Joseff Bullecer, usa ka General Physician, nga dili angay ikahadlok sa publiko ang bag-ong variant sa flu nga gidudahang mikatap 36 ka mga nasud sa kalibotan.
Matud ni Bullecer nga ang “super flu” usa ka matang sa sakit nga seasonal o mokabat ra sa tulo ngadto sa upat ka buwan ang kuyanap niini.
Dugang pa niini nga mamahimo lamang nga mokatap ang nahisgutang sakit sa mga pinili nga lugar, diin sagad niini anaa sa mga mabugnaw nga lugar og dili sa Pilipinas, gumikan kay ang Pilipinas usa ka Tropical Country.
Apan gipahimangnoan usab ni Bullecer nga maglikay sa mga panagtapok hilabi na nga adunay mga festival karong panahona og permihon ang sul-ob sa face mask.
Gipahimangnoan usab niya ang publiko nga likayan ang pag-inom og tubig bugnaw kon ugaling gikan nagbuwad sa init, aron malikayan ang pagkasakit.
